Ѓорчепетровци не се договорија со општината, па сега најавуваат блокада во знак на предупредување, ако денеска на седница на советот на општината помине т.н. Детален урбанистички план Градска четврт С3 15, во кој влегува делот спроти кружниот тек во Порта Влае до спроти недоправениот трговски центар.
Изминатиот периот жителите жестоко реагираа заради следните причини:
-На тој мал простор треба да никнат: над 15 згради со вкупна бруто развиена површина од 138.918 м2 или 23.578 м2 градежна површина, висина од 31 метар бетонски ѕид, со предвидени над 1359 нови жители…Во овој ДУП се легализира и спорната зграда во паркот… Се прашуваме кога ли ќе престане ова печатење на урбанистички планови!? Хром, Дексион – Јурија, сега и овој!? – пишуваат жителите на Ѓорче Петров во својата предупредувачка порака на социјалните мрежи.
Бараат од градоначалникот Александар Наумоски да го повлече ДУП:
-Општината и градоначалникот Александар Наумоски доколку утре не го повлечат овој урбанистички план и не покажат добра волја во насока на урбаната заштита на Ѓорче Петров, во сабота на 27 девруари ќе блокираме улица. ИЛИ ЃОРЧЕПЕТРОВЦИ ИЛИ УРБАНАТА МАФИЈА!- порачаа од Иницијативата против урбаното дивеење на Ѓорче Петров. 
