Полицијата вчера приведе двајца малолетници кои сквернавењето на гробовите во Ресен го објавувале на социјалната мрежа Тик Ток. Снимки на кои тие лежат на гробовите и се поигруваат со крстовите тие ги објавија на оваа социјална мрежа.
Полицијата вчера ги идентификуваше и приведе.
– Полициски службеници од ОВР Ресен вчера во периодот од 16 до 18.30 часот идентификуваа и извршија службен разговор со тројца малолетници од Ресен (двајца на 16-годишна возраст и еден- 14 години) во врска со објавениот видео материјал на социјалната мрежа „тик-ток“ на кое се сквернават гробови во овој град. Со малолетниците, во присуство на родител, е извршен службен разговор, а по документирање на случајот, во координација со надлежен обвинител ќе бидат поденесени соодветни поднесоци, се наведува во соопштението на полицијата. 
