Македонските и српските власти разговараат за отворање пункт блиску до границата каде што би се ревакцинирале сите македонски државјани кои пред три месеци ја примија првата доза на вакцината „Астра Зенека“ во Србија.
Министерот за здравство Венко Филипче денеска рече дека утрово разговарал со српскиот министер Златибор Лончар и наскоро ќе објават каде ќе биде тој пункт, а меѓу опциите се Врање или Ниш.
Оваа информација ќе биде објавена деновиве имајќи предвид дека ревакцинацијата би требало да биде од 17 до 20 јуни. 
Неофицијално, се рработи за најмалку 15.000 наши граѓани кои досега се вакцинираа во Србија, иако таа бројка не може да се потврди, бидејќи Србија се уште не ги доставила списоците со оние со македонски пасош кои се вакцинирале таму.
Според она што може да се прочита на социјалните мрежи, овие наши граѓани имаат уште еден проблем, а тоа е што во Србија не им издаваат потврда за вакцинација, која им е неопходна за патување, и ги упатуваат на нашите институции. Нашите институции пак е можат да им издадат татква потвврда, бидејќи немаат податоци од Србија за вакцинираните.
