Музичарите денеска протестираа пред Владата и побараа да се укине забраната за настапи во угостителски објекти.
Која е логиката да има музика на свадби, а не и во кафулињата и ресторанните?, прашаа денеска дел од музичарите здружени во „Музика сега“.
Она што бараат да им се објасни и кои се тие лиценцирани музичари кои ќе можат да настапуваат на свадбените прослави, кога нема ниту комора која би ги застапувала и би ги издавала лиценците, ниту здружение кое тоа го прави. 
Музичарите веќе 15 месеци не настапуваат во живо, откако поради пандемијата беше донесена забрана.
Петар Младеновски од Управниот одбор на Здружението на музичари „Музика сега“, популарен како Пеце од „Суперхикс“ изјави дека треба да се дозволи работа на сите оние што настапуваат, не само на свадби, туку и на сите што настапуваат во угостителски објекти бидејќи, како што рече, протоколи веќе постојат.
Она што ги збунува музичарите е одлуката на свадбени прослави да можат да настапат само лиценцирани уметници, бидејќи како што велат, такви во нашата држава речиси и нема.
– Ниту има комора која би ги застапувала и би ги издавала лиценците, ниту здружение кое тоа го прави и бараме одговор на ова прашање, на оваа нејаснотија, изјави Младеновски.
