Премиерот Зоран Заев најави дека директорот на Пазарната инспекција Стојко Пауновски кој јавно се спротивстави на распоредувањето на дел од „рамковните“ вработени во институцијата која ја води, ќе биде разрешен.
За разлика од вчера, кога Заев само му упати порака дека не може да се спротивставува на одлуки на Владата, денеска тој беше подиректен – Пауновски ќе добие отказ затоа што се расправал со него и со потпретседателот на Владата, секојдневно и јавно.
-Секој ден да водите полемики со потпретседателот на Владата, со претседателот на Владата е пркос кој не е дозволен. Хиерархијата треба да се почитува, таа е поставена и треба да финкционира, рече Заев. 
Тој смета дека тоа што Пауновски си дозволил јавно да прави вакви коментари, понижувајќи ги, како што рече своите претпоставени, е доволна основа за негово разрешување и очекуа службите да отворат постапка.
За потсетување, директорот на Државен пазарен инспекторат Стојко Пауновски не прифати да потпише решение за прием на 35 „рамковно вработени“ со образложение дека само 12 од нив имаат соодветно образование.
