Заедничката македонско-бугарска комисија за историски и образовни прашања не постигнаа договор за учебниците во Бугарија, а темата за заедничко чествување на Гоце Делчев не беше воопшто дискутирана.
На средбите изминатите два дена се разговарало за забелешките на бугарските претставници за македонските учебници по историја за седмо одделение, а како што соопшти МНР, тоа било за пристапот и формата на препораките за учебниците.
Заклучокот е: Остануваат големите разлики во пристапот и погледите како да се формулираат препораките за учебниците по историја, велат од македонското Министерство за надворешни работи по состаноците на Комисијата. 
Од македонска страна биле предложени неколку идеи како да се надминат точките во учебниците што имаат потенцијал да ја политизираат историјата и со тоа да поттикнуваат нови или ги одржуваат во живот политичките спорови.
Поради долгата и исцрпна дискусија за учебниците, темата за заедничко чествување на Гоце Делчев не била воопшто дискутирана.
Следната редовна средба на Комисијата ќе се одржи на 10 и 11 јуни.
