Вкупно 21 лице осомничени за нелегална трговија со дроги до сега се приведени во полициската акција која што се спроведуваше од изутрина на подрачјето на селото Грчец во Сарај и во Гази Баба. Но, потрагата по другите осомничени продолжува и бројката на приведените извесно ќе биде поголема.
Шефицата на Обвинителството за гонење организиран криминал и корупција Вилма Русковска соопшти дека акцијата била со цел сузбивање на трговија со дрога.
-Приведени се 21 лице, кои се наоѓаат во повеќе полициски станици. По одредени лица се уште се трага, доколку се пронајдат ќе бидат проведени повеќе лица. Ние имаме докази дека овие приведени лица сториле кривично дело недозволена трговија со опојни дроги и прекусори. Не сакавме пред акцијата да спроведеме и финансиска истрага. Стравуваме да не пропадне целата акција, но од понеделник ќе почне и финансиска истрага. Засега нема полициски службеници, но ќе се вршат вештачење и доколку се најде комунијација, сигурно дека ќе бидат осомничени и овластени службени лица, рече Русковска. 
Таа објасни дека овој предмет е работен долго време и дека доказите се собирани цела година, се слушале телефони, се следеле осомничени и се собирале докази.
