Утре, в понеделник и во вторник, од 14 до 17 часот, Скопје ќе биде под посебен сообраќаен режим.
Причина е протестот на сопственици на ресторани за организирани настани, претставници на фотостудија и музички бендови кој ќе се одржи на крстосницата меѓу булеварот Александар Македонски, улицата 16. Македонска бригада и улицата Интернационални бригади.
Сопствениците на рестораните за свадби, крштевки и други веселби бараат Владата да ја укине забраната за нивна работа и да донесе протокол за вршење на нивната дејност пред сезоната за венчавки. 
Со ова, сопственицие на ресторани за веселби и на фотостудија го остварија предупредување дадео пред една недела, дека ќе протестираат ако не се укине забраната за организирање веселби.
-Ние сме единствени економски оператори кои имаат 11 месеци забрана за работа, а користевме парцијална државна помош во поддршката за плати и придонеси, која траеше само шест месеци. Да не ги држиме во неизвесност илјадниците младоженци и оваа сезона, како претходната, порачаа тие.
Според нив, исплатата на еднократната парична помош во вид на грант, со максимален износ од 10 000 евра, што им се дава е 2-4 отсто од вкупно остварениот промет во 2019 година, што е минимална поддршка за нивните трошоци со оглед на големината и квадратурата на објектите со кои управуваат.
