Кинеските вакцини од компанијата „Синофарм“ ќе стигнат во земјава до крајот на месецов.
Од денеска, кој е прв работен ден по Кинеската нова година започнуваат да се преземаат активности за нивна испорака, изјави денеска премиерот Зоран Заев одговарајќи на новинарско прашање.
Државата од Кина купува 200.000 вакцини кои ќе бидат вклучен во процесот на имунизација, кој по долги најави стартуваше дури вчера со 4.680 вакцини од „Фајзер“ кои ги добивме како донација од Србија. 
Вкупно 55.970 лица досега изразиле интерес за вакцинација против ковид-19 преку веб-страницата vakcinacija.mk, информира Министерството за здравство.
Триесет и осум илјади од пријавените се лица над 70 години.
Преку матичниот лекар за вакцинација се пријавиле 29.209 лица.
