Досегашниот митрополит загрепско-љубљански Порфириј е избран за нов патријарх на Српската православна црква на денешниот изборен Сабор на архиереите. Митрополит Порфириј важеше како еден од најсериозните кандидати за избор бидејќи е близок со влијателниот епископ бачки Иринеј, како и со српскиот претседател Александар Вучиќ. Неговото име беше извлечено од еден монах меѓу три плика со имињата на сите тројца кандидати. Освен него, кандидати беа епископто бачки Иринеј и бањалучкиот митрополит Ефрем.
Порфириј спаѓа во редот на помладите владици на СПЦ, роден е во 1961 година. Беше викарен епископ на епископот бачки Иринеј, а последните години е на чело на главната епархија на СПЦ во Хрватска.
„Скопско ехо“ дознава дека новиот српски патријарх во минатото имал средба со македонскио архиепископ г.г Стефан, како и со владиците во МПЦ – Петар и Тимотеј. Средбата се случила во неговиот манастир во Ковиљ пред околу дванаесетина години во периодот 2007 – 2008 година. Тој ја пречекал македонската делегација која тогаш била во Србија врзано за разговорите околу решавањето на спорот меѓу МПЦ и СПЦ. По ова, во следните години имал среба и со македонскиот европски митрополит Пимен. 
Тој неколкупати престојувал и во Македонија. Последен пат пред три години кога го посетил Јован Вранишкоски. Во српските црковни кругови се зборува дека тој кон Македонија гледа со симпатии.
