На 30.06.2021 околу 07.40 часот од страна на полициски службеници од Отсекот за криминалистичка полиција при Одделението за недозволена трговија со дрога и оружје Тетово лишен е од слобода Д.М.(26) од Тетово, поради постоење основи на сомнение дека извршил кривично дело „неовластено производство и пуштање во промет на наркотични дроги, психотропни супстанции и прекурсори“.
Имено, при претрес во дом и други простории кај Д.М. во Тетово, на ул.„Ленин“, извршен со судска наредба, полициски службеници пронашле и одзеле марихуана. Д.М. бил приведен во полициска станица и по комплетно документирање на случајот ќе биде поднесена пријава по член 215 од Кривичниот законик.
