Вкупно 702 пациенти потврдени и сомнителни за Ковид-19 се лекуваат на инфективните оддели во болниците во главниот град на Македонија, а голем дел од пациентите се на кислородна поддршка, соопшти денеска Министерството за здравство.
Во соопштението се наведува дека бројот на приеми во изминативе денови е стабилен и утрово до 8 часот имало 95 слободни места.
-Во изминатите 24 часа во други ковид центри во болниците низ земјава е пријавено дека се лекува вкупно 961 пациент позитивен и суспектен на корона вирусот. Вкупната бројка на пациенти позитивни и суспектни на корона вирусот кои се лекуваат на инфективните оддели во главниот град и во болниците низ земјава е 1663 и има околу 380 празни болнички кревети во ковид центрите, информира Министерството. 
Во Битола се хоспитализирани 151 пациент позитивен и суспектен на Ковид-19. Во болницата во Штип е хоспитализиран 91 пациент. На инфективното одделение во Тетово има 40 пациенти, во Велес се лекуваат 90 болни, а во Куманово 94 пациенти позитивни и суспектни на КОВИД 19. Во ковид центарот во Охрид има хоспитализирано 100 пациенти, во Прилеп 116 во ковид центарот во Гостивар 44, а во Струга 18 болни. Во болницата во Струмица хоспитализирани се 90 пациенти, во Кочани 27 во Кичево 25, Кавадарци 55, а во Гевгелија 22 лица позитивни и суспектни на корона вирусот
Во ГОБ „8 Септември“ има вкупно 141 болен, а на Клиниката за инфективни болести лежат 146 пациенти, додека во Иститутот за белодробни заболувања кај деца Козле има 32 пациенти. На Клиниката за детски болести има 12 деца позитивни на Ковид-19 вирусот, а на ГАК има 2 позитивни пациентки. На Институтот за физикална медицина и рехабилитација има 65 болни.
