Ако трговските центри во Скопје не работат во недела, нашите граѓани ќе одат во Косово и во Србија. Ако, пак, работат, тие ќе дојдат овде во недела.
Ова е логиката на премиерот Зоран Заев, зошто за некои дејности не треба да важи „недела – неработен ден“, што е една од актуелните кампањи на власта, во контекст на заштита на правата на работниците.
Премиерот Заев, кој денеска заедно економските министри во Владата беше во посета на еден од најголемите трговски центри во државата кој се уште се гради “Ист гејт“ ил поранешен Скопски саем, сепак вели дека организацијата на работата треба да се направи во согласност со работничките права кои предвидуваат одредени работни часоси, дневници, денови за одмор… 
-Треба да се регулира дали ќе работат 10 часа наместо 12 или 18 часа колку што работат во недела. За тоа постојат стручни луѓе и министрите за економија и за труд и социјална политика веќе ми презентираа креативни решенија што во моментов се бараат, изјави Заев.
Сега останува да видиме дали ќе преовлада ставот на Заев како бизнисмен, политичар или семеен човек, имајќи предвид дека кампањата „Недела-неработен ден“ се води под мотото за да се помине повеќе време со семејството.
