Со помош на медиумите или преку лидерска. Вака премиерот Зоран Заев смета дека може да се реши блокадата во Собранието.
За блокадата прстот го посочи кон опозицијата, која како што рече најчесто ја прави со поднесување илјадници амандмани на одредени закони и во комисиите со кои раководат пратеници од ВМРО-ДПМНЕ.
-Ова што се случува навистина нема крај. Затоа што албанската опозиција поднела амандмани на закон на ВМРО-ДПМНЕ, сега оваа опозициска партија возвраќа со илјадници амандмани на закон на Алијансата, објасни денеска Заев. 
Првата опција според него се медиумите.
-Очекувам медиумите да ги изнесат вистинските причини за блокадата, дека никој не добива ништо со тоа што се кочи донесувањето на законите за трамвајот во Скопје или за енергетска ефикасност, како и на неколку закони од областа на економијата и тоа е само на штета на граѓаните и на економијата во земјава, објасни Заев.
Другиот начин е веќе познат.
-Ако треба, ќе свикам лидерска средба со опозициските партии, посебни или заедничка средба со лидерите, најави премиерот.
