За една недела мутацијата на корона вирусот која беше откриена во Велика Британија, е регистрирана во пет нови земји, или во вкупно 111 во светот.
Ова мутација, како што покажуваат досегашните истражувања, е позаразна од првичниот корона вирус за дури 75 проценти и го зголемува ризикот од хоспитализација на заболените.
Кога станува збор за јужноафриканската мутација, според податоците на СЗО, досега е регистрирана во 58 земји, а бразилската, пак, е распространета во 32.
Според податоците од статистичката веб-страница „Ворлдометерс“, досега во светот се заразиле над 118 милиони луѓе. Бројот на смртни случаи е над 2,6 милиони, а на излекувани речиси 94 милиони.
