Секој четврти возач кој бил вчера казнет од страна на полицијата возел значително пребрзо од максимално дозоволените 50 километри на час. Ова го покажува денешниот извештај на полицијата за контролите направени во изминатово деноноќие.
-Само на територијата на град Скопје изречени се вкупно 132 мерки, меѓу кои за непочитување на брзина на движење 36, шест за возење без возачка дозвола, осум за технички неисправни и нерегистрирани возила. Изречени се седум санкции за користење на мобилен телефон, три за возење под дејство на алкохол, четири за некористење сигурносен појас, три за минување на затворен семафор (црвено светло), 33 за непрописно паркирани возила, соопшти полицијата.
Бројките се алармантни. Се случуваат секој ден. Полицијата очигледно мора уште поревносно да контролира и казнува низ градот. 
Премногу „диви“ возачи има во Скопје. Премногу настрадани има поради тоа.
