Од 1-ви следниот месец повторно ќе може да се плаќа на шалтерите во Пошта.
Платниот промет ќе биде преку Халк банка, која беше избрана, наместо досегашната Еуростандард, која пропадна.
Платниот промет во првата недела ќе биде достапен во повеќе избрани подружници на Пошта и тоа: во Скопје 1 и Скопје 2, подружниците во Тетово, Гостивар, Кичево, Охрид, Битола, Прилеп, Кавадарци, Велес, Гевгелија, Струмица, Штип, Кочани и Куманово. Во текот на март услугата ќе биде достапна во сите останати единици на Пошта. 
Плаќањето во готово преку шалтерите на Пошта ќе биде со провизија од 35 денари за плаќање на сметки и други режиски трошоци, а висината на провизиите за уплати кон буџетски установи е во зависност од износот кој се уплаќа.
Според најавите, во скоро време коминтентите на Халкбанк на шалтерите на Пошта ќе можат да вршат и директни плаќања од своите сметки, а ќе бидат овозможени и други банкарски, дополнителни услуги.
