Од овој викенд, службите на Инспекторатот на Град Скопје ќе ги казнуваат несовесните посетители кои ќе хранат и вознемируваат животни во скопската Зоолошка градина, но и оние кои ќе фрлаат отпадоци во живеалиштата на животните и по патеките.
Всушност, акцијата е дел од кампањата за заштита на животните под мотото „Подарете љубов, а не храна“, која се покренува поради тоа што со години многу несовесни посетители фрлаат храна која е несоодветна и штетна за животните иако има табли со кодекс на однесување кои се поставени на влезот и низ градината.
-На пример, имаме животни дијабетичари кои не смеат да јадат банана, портокал и јаболко, или пак голем дел животни за кои зелката е најштетна. Доколку посетителите сакаат интеракција и хранење на животни, за тоа постои делот „Бејби Зоо“, каде под надзор на вработени секој посетител добива пакетче храна за животните и може да ги погали и одблизу да се запознае со процесот на чување на миленик, елат од скопската Зоолошка. 
