Министерот за правда Бојан Маричиќ на својот Фејсбук профил со име и презиме ги посочи судиите од Апелација кои ја прифатија гаранцијата од над 11 милиони евра и му дозволија на Сашо Мијалков да излезе од пртиворот во Шутка.
-Одлуката на Апелациониот суд во Скопје да го пушти од притвор Сашо Мијалков ја намалуваат и онака разнишаната доверба на граѓаните во судовите. Потсетувам дека Мијалков беше лице под реален ризик за бегство и повод за настани кои ја вознемирија целата македонска јавност. Судиите на Апелациониот суд во Скопје Ѓоко Ристов и Енвер Беџети кои ја донесоа оваа одлука треба да и објаснат на јавноста на кој основ ја донеле ваквата одлуката и на кој начин ќе ја преземат одговорноста доколку се случи повторно ризик од бегство, реагира Маричиќ.
Мијалков сега ќе биде само под посебни мерки на претпазливост и одземен му е пасошот. 
