Скопското обвинителство бара притвор за 60-годишен жител на Миладиновци кој се сомничи дека пред малолетни деца вршел полови дејствија.
Од Обвинителството појаснуваат дека настанот се случил на 3 февруари годинава на улицата „Беровска“.Настанот го забележал сведок кој изреагирал и го избркал обвинетиот од местото.
Јавниот обвинител до судијата на претходна постапка од Основниот кривичен суд Скопје бара мерка притвор за осомничениот, поради опасност од бегство, можност за влијание врз сведоци и веројатност да го повтори делото. 
– Наведените околности упатуваат на тоа дека нема услови за определување на поблага мерка за обезбедување негово присуство во текот на постапката, особено ако се има предвид тежината на предметното кривично дело и запретената казна од над четири години затвор, оцени надлежниот јавен обвинител, наведуваат од Јавното обвинителство.
