Извршниот потпретседател на Европската Комисија, Франс Тимерманс, одби да биде дел од традиционалната фотографија (фелили фото) на членовите на Европската Комисија и новата земја претседавач со ЕУ поради политиката на премиерот на Словвенија Јанез Јанша.
Медиумите во Брисел објавија дека извршниот потпретседател не е на фотографијата со словенечкото претседателство, а претседателката н ЕК Урсула Фон дер Лајен по разговорот со сите извршни потпретседатели, одлучила да ја почитува неговата одлука да не учествува во институционалната заедничка фотографија.
-Ова прашање за нас ова прашање е затворено, изјави Дана Спинант, портпаролка на ЕК. 
Тимерманс кој е член на холандска социјалдемократска партија, заедно со другите членови на Европската Комисија е во посета во новата земја претседавач, но оцени дека не може да стои рамо до рамо со Јанша откако словенечкиот премиер вербално нападна судии и европратеници, меѓу кои и Тања Фајон, исто така членка на Социјалдемократската група во Европскиот Парламент.
