Анкетираните родители во истражувањето на УНИЦЕФ, спроведено со 1.793 родители покажало дека дури 80 проценти се задоволни од ваквиот вид настава. Или дури 55% ја оценуваат со „петка“ додека 25% ја оценуваат со „четворка“.
Како што соопштија од МОН, само 12% од родителите рекле дека не добивале доволно повратни информации од наставниците за напредокот на децата споредбено со лани, само 4% рекле дека организацијата на училиште била хаотична и само 2% оваа година рекле дека наставниците не правеле никаква проверка на знаењето.
На прашањето, „Севкупно, колку сте задоволни од поддршката што ја добиваше Вашето дете од училиштето и од наставниците додека се одвиваше учењето од дома?“ 61% од анкетираните родители рекле дека се многу или прилично задоволни, што претставува значително попозитивен став споредбено со лани кога 42% го тврделе истото. 
Родителите се многу задоволни и од наставниците и начинот на кој тие работеле со нивните деца. Високи 70% ги оцениле наставниците со „петка“ а дополнителни 19% проценти со „четворка“.
