Министерството за економија утре ќе објави оглас за субвенционирање на половина од трошоците за купување и вградување уред за погон на алтернативно гориво во возилата произведеи од 2005 година наваму.
Според огласот, државата ќе субвенционира 50 проценти од трошоците за вградување на ваков уред во возилата, но не повеќе од 18 илјади денари или 300 евра по возило.
Огласот ќе трае 60 дена по принципот „прв дојден, прв услужен“. Ќе се субвеницонира само едно возило на едно семејство. 
Сопствениците на возила произведени од 2005 година наваму треба да извршат купување и вградување на уред со погон на ТНГ, метан или друг вид алтернативно гориво во возилото од денот на објавување на јавниот повик во некои од фирмите кои вршат продажба и вградување на ваквите уреди.
