По извршениот увид од Комисијата за заразни болести, Институтот за јавно здравје и Министерството за здравство, пратениците од 8 јуни се враќаат во старата сала за пленарните седници согласно одобрениот протокол.
Влезот во пленарната сала ќе биде дозволен за новинари кои што ќе приложат доказ за извршена целосна вакцинација против ковид-19. За нив е обезбедена галеријата на салата „Македонија“ и ќе ги има само 17, кои ќе седат на означени седишта, на соодветно растојание.
Согласно протоколот, за време на целокупниот престој и движење во Собранието, задолжително ќе биде носење на заштитна маска, а на влезовите во Собранието останува обврската за примена на средство за дезинфекција и мерење на температура. 
Ресторанот на Собранието лоциран во сутеренот, ќе биде отворен само за пратеници, додека Клубот за пратеници останува затворен.
Салата „Македонија“ не е во функција од август минатата година.
