Лидерот на Демократската унија за интеграција (ДУИ), Али Ахмети, денеска го соопшти „изненадувањето“ што пред два дена го најви и премиерот Зоран Заев. Иако голе број медиуми шпекулираа дека тоа ќе биде потег поврзан со локалните избори, се покажа дека е нешто сосема небитно – ДУИ станува зелена партија.
-На 19. роденден на ДУИ започнуваме нова политика и директно дејствување, политика за еколошка правда и квалитетен живот. Зелената агенда станува дел од ДУИ, рече Ахмети.
Во неговиот говор, Ахмети спомена и неколку проекти и активности кои, според него, ДУИ ги има реализирано во текот на неговото постоење – целосна имплементација на Охридскиот мировен договор, легализација на високото образование на албански јазик, децентрализација, национални симболи и култура, албански јазик, правична и соодветна застапеност, интеграција во НАТО, добивањето зелено светло за членство во ЕУ… 
