Во последните 24 часа во Македонија се потврдени 46 нови случаи на коронавирус, 14 лица починаа, а 147 оздравеа, соопшти Министерството за здравство.
Пријавени се вкупно 14 починати лица: 8 лица од Скопје (56г,61г,69г,70г,71г,79г,79г и 85г), по 2 лица од Гостивар (62г и 70г) и Кичево (59г и 83г) и по едно лице од Куманово (84г) и Тетово (60г).
Од пријавените, 6 лица се починати во домашни, а останатите 8 во болнички услови. 
Во последните 24 часа се направени 3.073 тестирања, а регистрирани се 46 нови случаи на Ковид-19 во: Скопје – 19, Радовиш – 5, Прилеп и Кичево – по 4, Куманово – 3, Струмица, Битола и Гостивар – по 2, Неготино, Охрид, Струга, Гевгелија и Берово – по 1.
Вкупната бројка на Ковид-дијагностицирани лица во нашата земја од почетокот на епидемијата изнесува 155.117, бројката на оздравени пациенти е 147.190, на починати е 5.356, а бројот на активни случаи изнесува 2.571.
