Првиот човек на Македонија, Стево Пендаровски, денеска е во официјална посета на Косово. Тој имаше средба со претседателката Османи-Садриу,а беше одржан и пленарен состанок на македонската и косовската делегација.
Покрај подготвеноста за интензивирање на соработката меѓу двете држави Пандаровски ја истакнал и подготвеноста за помош кон Косово.
-Ги поддржуваме евро-атлантските аспирации на Косово и во тој контекст стоиме на располагање да ги пренесеме нашите искуства, како на патот кон ЕУ, така и во однос на аспирациите за интегрирање во НАТО-алијансата. Членството во овие две организации значи натамошна стабилизација и просперитет за регионот, истакнал Пендаровски. 
Тој воедно го реафирмирал македонскиот став дека поддржува заемно прифатливо решение во дијалогот меѓу Белград и Приштина, со потенцијал да придонесе кон регионалната стабилност и кое нема да ја загрози безбедноста на соседните држави.
На крајот, тој кажал и дека се разговарало и за можностите за унапредување на правата на етничките Македонци кои живеат на Косово, како и јакнење на прекуграничната соработка со можностите за отворање на нови гранични премини.
