Во Буџетот за 2022 година не се предвидени пари за регрес за годишен одмор за вработените во јаниот сектор, соопшти денеска министерот за финансии Фатмир Бесими.
– За 2021 година има пари што се планирани со ребаланс на буџетот, а за 2022 година нема пари за К-15 за администрацијата, рече Бесими.
Парите што се наменети со ребалансот, всушност се за еден дел од администрацијата, односно за околу 27.000 работници, членови на Синдикатот на работници од управата, правосудните органи и здруженија на граѓани, кои со грански договор успеаја да го извојуваат ова право. 
На протестот во неделата, едно од барањата на Сојузот на синдикати беше и К-15 за сите вработени, и во приватниот и во јавниот сектор, за да нема дискриминација и поделба на работниците.
Владата вети дека ќе се разговара и ќе се најде решение за сите работи кои би ја подобриле положбата на работникот. Останува да се види дали и до година можеби ќе се обезбедат пари за К-15 за администрацијата со ребаланс на буџетот.
