Сите владини коалициски партнери на денешната средба во Владата биле апсолутно против оставката на премиерот Зоран Заев.
Првиот вицепремиер Артан Груби изјави дека сметаат оти таа е избрзана и дека тој треба да продолжи да ја предводи Владата и да се продолжи со политиките.
-Недвосмислено дадовме поддршка на политиките на Владата на премиерот и на цела владина коалиција за продолжување со европската и реформската агенда на Владата и немаше ниту еден сомнеж од ниту еден од учесниците на состанокот во однос на парламентарното мнозинство, рече Груби. 
Аријанит Хоџа од БЕСА пак дека воопшто не навлегле во темата за евентуален нов мандатар или за нов состав на Владата, иако тој потврди дека Заев останал на оставката.
Побарале тоа да биде процес односно да се даде време кога тоа би се извршило.
-Ние сме во многу деликатна политичка ситуација каде што навистина може било каков погрешен чекор да направи тотален хаос, а тоа би не носело во предвремени избори за што сите се согласивме дека не е момент, рече Хоџа по средбата.
Пред средбата лидерите на ДОМ, ЛДП, НСДП и ДПА изјавија дека остануваат во владејачката коалиција.
Овие партии имаат вкупно шест пратеници во парламентарното мнозинство кое брои 62, и тоа: двајца има НСДП, двајца ЛДП, еден ДОМ и еден ДПА (Мендух Тачи).
Денешната средба следи откако синоќа премиерот Зоран Заев поднесе оставката од премиерската функција и од функцијата лидер на партијата, но дека останува на ставот оти не се потребни парламентарни избори.
