Државниот завод за статистика не потврдува дека пописот денеска не се спроведува. Но од соопштението индиректно се дознава дека операцијата која се чека 20 години на петтиот ден е стопирана.
– Во тек е надминување на помали технички предизвици кои повремено се појавуваа претходните денови кога на терен имаше висок интензитет на попишување. Сите внесени податоци се успешно процесирани во системот, а техничките усогласувања се прават со цел процесот да продолжи со несмален интензитет, се вели во соопштението од ДЗС.
Од ДЗС, посочуваат дека досегашната динамика на попишувањето на терен – 200.000 попишани граѓани, е гаранција дека заклучно со 30 септември успешно ќе бидат попишани населението, домаќинствата и становите на територијата на целата земја. 
За само пет дена ова е втор „куршлус“ во најобемната статистичка операција.
На вториот ден попишувачите се соочија со пад на системот, а проблемот се обидоа да го префрлат на интнет провајдерот, Македоски телеком, кој веднаш демантираше дека проблемот е кај нив. Тоа ги принуди од ДЗС да се извинат и да принзаат дека изјавата била несреќно дадена.
