Улицата „Мирка Гинова“ во населбата Карпош, зад гимназијата „Орце Николов“ доби нов асфалт. Обновена е сообраќајницата во должина од 240 метри и ширина од 4.5 метри, како и пристапните краци од улицата.
Од Општината соопштија дека е поставен асфалт – бетон, со дебелина од 5 cm, со што се подобрува безбедноста за сите учесници во сообраќајот, потоа нови рабници, а направено е поплочување и на тротоарите, за побезбедно движење на сите граѓани.
Овој период се работи и на реконструкција на улиците „Иван Аговски“ и „Париска“, а претстои обнова и на улиците „Шекспирова“ и „Гиго Михајловски“, додека на улицата „Париска“, во Тафталиџе, се поставуваат нови сливници за апсорбирање на атмосферските води, а се работат и прекопи за БЕГ. Штом завршат овие активности, ќе се направи и финално асфалтирање на улицата. 
