Иако бројката се намалува, се уште има македонски граѓани кои се вакцинираат во Србија. Освен во Бујановац, Врање, Ниш, македонските граѓани одат и во Белград.
Според податоците од пунктовите на белградскиот саем дневно се вакцинираат меѓу 300 и 500 граѓани, а за време на викендите меѓу 600 и 800 лица, од кои половината од нив се државјани на Македонија и Босна и Херцеговина.
Достапни се вакцините на „Фајзер“, „Астра Зенека“, „Синофарм“ и „Спутник В“. 
Според податоците на Здравствениот центар во Врање, до 23 јули годинава на вакциналниот пункт во Спортсака сала во овој град вкупно со првата доза вакцинирани се 12.006 македонски граѓани, додека со втората доза вакцинирани се 9.392 наши државјани.
Засега македонските власти немаат податоци колку точно наши државјани се вакцинирани во Србија, иако неколку пати беше најавувано дека тоа ќе се обебеди во соработка со српските власти.
Единствен напредок беше направен кога се дозволи нашите државјани кои прва доза примиле во Србија, да се ревакцинираат во Македонија, освен со „Астра Зенека“ за лица под 60 години.
