До следниот петок во земјава ќе бидат вакцинирани околу половина милион граѓани, најави денеска министерот за здравство Венко Филипче.
Тој денеска рече дека се поделени сите вакцини, во согласност со бројот на пријавени граѓани и во вторник се очекува таа да заврши за сите пријавени граѓани во сите градови, освен во Скопје, Тетово и Битола.
Во овие три града пријавените ќе се вакцинираат до петок следната недела. Со тоа, според пресметките на МЗ вкупната бројка на вакцинирани граѓани ќе биде околу 500.000 илјади. Филипче сепак признава дека тоа е недоволно и повторно ги повика граѓаните да се пријават за вакцинација. 
Од следната недела се планира да се започне и со понтензивно теренско вакцинирање, што значи на лица хронично болни и помалку подвижни, а кои живеат во оддалечените места околу големите градови.
Во однос на вакцинирањето на трудниците и доилките, останува ставот дека иако нема контраиндикација за ниту една вакцина, да се даде предност на „фајзеровата“ вакцина.
