„Musica Viva на отворено“ e насловот на концертот што вечерва се случува во организација на Факултетот за музичка уметност во Скопје, на терасата на Музејот за македонска борба. Тој е само прв, во рамки на отворањето, но концерти ќе има и следните три дена. Два се во Музејот, а еден во МОБ.
На програмата ќе бидат дела од светската музичка литература, а ќе ги изведат студентите од класите на проф. м-р Марија Муратовска- Наумовска, проф. м-р Михаило Куфојанакис, проф. д-р Марија Ѓошевска, проф. д-р Нина Костова-Јаневска, проф. д-р Горан Начевски, проф. м-р Зорица Каракутовска, проф. м-р Весна Ѓиновска-Илкова, доц. д-р Елена Атанасовска-Ивановска, м-р Бисера Чадловска, м-р Александар Поп Христов и м-р Димче Белчовски.
Почетоците се стандардни трите дена, од 19 часот, а влезот е слободен. 
