Во Грција од денеска се отворени плажите, во пресрет на најавите дека од следната недела ќе можат и странски туристи да влегуваат во земјата.
Засега плажите работат по правила и протоколи каки и лани – со растојание меѓу лежалките и чадорите од два метри и само по две лица на едно место, освен ако не се семејство, но овој пат без музика во кафулињата и баровите.
Во земјата сè уште се на сила рестрикции кои за секое движење налагаат испраќање смс порака, па така е и за на плажа.
Организаторите на плажите мора да стават средства за дезинфекција и редовно да ги дезинфицираат лежалките.
За персоналот, задолжителни се маска и тестови за домашна употреба два пати неделно.
