Руската вакцина за сузбивање на ковид-19 е едно од главните оружја во светот за борба против вирусот. А рускиот претседател Владимир Путин изјави дека руската вакцина е „исто толку сигурна како Калашников”.
Ова тој го истакнал откако здравствените власти на Русија регистрираа верзија со една доза на руската вакцина „Спутник В“, наречена „Спутник лајт“.
Споредбата на Путин се однесува на оружјето-автоматската пушка од времето на Советскиот Сојуз, кое останува популарно и широко користено до денес низ целиот свет.
Инаку, верзијата на „Спутник В“ со две дози е веќе дозволена за употреба во многу делови на светот, а со неа се вакцинираат и граѓани во Македонија.
