Повик за млади кореографи, до 35 години, објави интернационалниот фестивал „Танц фест Скопје“. Повикот значи дека можат да учествуваат на годинашната фестивалска програма, која е предвидено да се одржува од 1 до 6 јуни на повеќе отворени сцени низ градот. Повикот е отворен до 27 април 2021 до 16 часот.
Како што веќе објавивме покрај живите изведби, фестивалот ќе може да се проследи онлајн.
– И покрај пандемијата, фестивалот успеа минатата година да ја оствари својата програма во живо и да презентира петнаесетина кореографии на отворена сцена, со што придонесе во одржување на изведувачките уметности во центарот на вниманието. Дирекцијата на фестивалот сака и годинава да даде свој придонес со одржувањето на фестивалската програма и презентација на странски компании и уметници, но и презентација на македонски креативци, со што ќе им помогне на младите креативни сили да се изразат и опстојат во овие специфични услови во кои се наоѓаме, велат организаторите на фестивалот.
„Танц фест Скопје“ има традиција од 16 години. Во рамки на фестивалот се доделува и Наградата за исклучителни достигнувања во областа на танцот „Менада“, која досега ја добија доајени и основачи на македонскиот балет: како и светски признати имиња во танцовата уметност. 
