Опозициската ВМРО-ДПМНЕ денеска соопшти дека ќе ги повлечат сите амандмани на законот за државјанство што го предложија Алијанса и Алтернатива.
Целта е да се изгласа петтиот пакет мерки за помош на граѓаните и стопанството, најави координаторот на пратеничката група на ВМРО-ДПМНЕ, Никола Мицевски.
Ја повика коалицијата Алтернатива/Алијансата за Албанците да ги повлечат амандманите од петтиот пакет на мерки, за да можат компаниите и граѓаните да ги добијат задоцнети средства како помош за справување со последиците од пандемијата. 
Од ВМРО-ДПМНЕ ја обвинија власта за неодговорно однесување и го повикаа парламентарното мнозинство веднаш да се одржат и да продолжат со работа матичните комисии каде се наоѓаат законите од петтиот пакет на мерки, а потоа во текот на денот или најдоцна утре да се одржат и пленарните седници на кои би се гласало по овие точки.
Одлуката на ВМРО-ДПМНЕ следи откако вчера премиерто Заев по средбата со лидерите на Алијанса и Алтернатива, Села и Гаши, објави дека е постигнато решение за лицата кои се без државјанства, при што бројката која ја соопштија е околу 2.727, од кои 1.500 не се родени тука. Никој од нив не објави кое ќе биде решението.
Поради големиот број амандмани од страна на ВМРО-ДПМНЕ и Левица на законот за државјанство, Села и Гаши ги блокираа сите други закони, меѓу кои и овие за антикризните мерки.
