И покрај синоќешниот пораз на фудбалската репрезентација на Македонија матичната федерација одлучила да им додели премија на Горан Пандев и неговата фудбалска чета во висина од 40.000 евра. Целта била да се даде мотивација на фудбалерите.
Од ФФМ истакнуваат дека репрезентативците одиграле квалитетен натпревар, поради што и покрај поразот сакаат со премија да им дадат дополнителен поттик за успешно продолжување на квалификациите за СП 2022 во Катар.
Македонската репрезентација наредните денови треба да одиграат уште два натпревари од квалификациите за СП. На 28-ми март играат со Лихтенштајн, а на 31-ви март со Германија. 
За потсетување, репрезентативците синоќа загубија со 3:2 од Романија.
