На апликацијата за комуникација „Телеграм“ постоела и група во која околу 36.000 мажи од различни земји на Балканот разменувале порнографски содржини, експлицитни слики и адреси на жени со цел да се организираат сексуални контакти. Веста за постоењето на оваа група ја објави српскиот портал Нова.рс при што се наведува дека групата работела така што членовите пишуваат од каде се, па чекаат некој од другите членови на групата да им испрати слики, контакти, па дури и адреси на девојки од тоа место.
Групата сега е избришана, а до сознанија за постоењето на таа група дошла инстаграм страницата „Критички“ на која ѝ се јавила загрижена жена, со сомнеж дека во групата се споделуваат и фотографии и снимки на малолетнички, како и дека со откривањето на идентитетот и местото на живеење бројни жени се доведуваат во опасност.
Во меѓувреме на Твитер се појавија и допишувања на мажите во рамките на оваа група и од кои јасно се гледа каква им е целта. Корисничка на Твитер која разоткрила како изгледа групата на Телеграм и наскоро добила закани. Наскоро, се разоткри уште една група со слична содржина, чија тема се исклучиво девојки од Ниш, со речиси 25.000 членови. 
