Дванаесет лекари и дваесет медицински сестри од Воено медицинскиот центар од денеска се вклучува во работата на интерните клиники во Скопје каде има неколку ковид оддели, соопшти Министерството за здравство
Тие ќе бидат распределени на неколку оддели на клиниките каде се сместени заболените од Ковид – 19.
-Оваа бројка на медицински персонал е голема поддршка земајќи предвид дека сите специјалисти од интерната медицина и инфектолози од почетокот на кризата се посветени на ковид пациенти. Медицинските екипи кои доаѓаат од Армијата на почетокот ќе бидат распоредени во тријажниот центар на Интерно, каде ќе вршат прием на пациенти во ковид одделенијата, се наведува во соопштението.
