Државниот Универзитет на Тетово му го додели признанието почесен „Доктор Хонорис Кауса“ на претседателот на ДУИ, Али Ахмети, објави Наставно-научниот совет на правниот факултет.
-Согласно член 184 од Законот за високо образование на Република Северна Македонија и членовите 264 и 265 од Статутот на Универзитетот во Тетово, Наставно-научниот совет на Правниот факултет врз основа на одлуката за прифаќање на Иницијативата на ректорот на Универзитетот во Тетово Проф. Д-р Вулнет Амети за доделување на титулата Доктор Хонорис Кауза на г. Али Ахмети, се наведува во соопштението.
Комитетот за доделување на признанието е составен од: професорите Вулнет Амети како претседател и Шезаи Рокај и Арсими Бајрами како членови. 
Инаку, како што се гледа од кусата биографија на Али Ахмети (роден во 1959 година) објавена на интернет-сајтот на македонскиот парламент, тој има завршено високо образование и по струка е педагог.
