На територијата на град Скопје во текот на вчерашниот ден изречени се вкупно 448 санкции, меѓу кои и за 23 пешаци, соопшти денеска МВР.
-Во текот на вчерашниот ден изречени се и 52 санкции за пречекорување на дозволената брзина, 33 мерки за технички неисправни возила и 43 за возење без возачка дозвола. Изречени се 67 мерки за непрописно паркирање, 61 возило е подигнато со „пајак“, а изречени се 64 санкции за неносење на заштитна маска, соопшти полицијата.
Од МВР уверуваат дека засилените сообраќајни контроли продолжуваат и во наредните денови. Да се надеваме дека ќе биде така и дека ќе ги има многу повеќе на сообраќајниците со конкретно ангажирање за побезбеден сообраќај.
