„Импулс“ е насловот на претставата на студентите од 1 и 2 година на Катедрата за современ танц при универзитетот Гоце Делчев – Штип, што ќе се изведува вечерва со почеток во 19 часот, во Домот на армијата во Скопје.
Претстава е во два дела, првиот насловен „All good” во кореографија на Адријана Данчевска, во кој настапуваат: Стефани Шааршмит, Андреј Димоски, Емилија Милак, Клара Христова, Сара Димовска, Јоана Благадуша, Микаела Ангела Глигорова и вториот, под наслов „DEVILS HOLE“ во кореографија на Дејан Битровски, а настапуваат Стефани Шааршмит, Сара Димовска, Андреј Димоски, Емилија Милак, Клара Христова, Микаела Анџела Глигорова.
Вечерва ќе се додели наградата „Менада“ за поддршка на развојот на современиот танц кај нас на кореографката и професорка на Кралскиот универзитет во Хаг, Холандија, Џоан ван дер Маст, која преку нејзиниот „Нов центар за танц“ од Хаг, додели донација на Катедрата за современ танц при УГД. 
Влезот е слободен.
