Влатко Стефановски и ансамблот „Танец“ вечерва во Македонска опера и балет ги отвораат 22-те по ред „Есенски музички свечености“.
-Националниот ансамбл „Танец“ повеќе од седум децении ја остварува својата културна мисија на негување и презентирање на македонското фолклорно творештво во земјава и надвор од неа. Влатко Стефановски е стар пријател на „Танец“, кој во текот на својата речиси петдецениска кариера многупати има настапувано со ансамблот. Секогаш соработките со „Танец“ ги истакнува како особено значајни и инспиративни за неговата музика, како и за македонската музичка култура во целост, најавуваат организаторите.
Билетите за оние кои имаат намера да го посетат настанот можат да се најдат онлајн на karti.com.mk, а ќе се продаваат и пред почетокот на концертот на влезот на МОБ. 
