Во Скопје се отвори првиот Интернационалниот поетски фестивал „Екс Либрис“. Ќе трае неколку месеци, под мотото „FESTIVAL IN PROGRESS“ а ќе се одржат десетина поетски читања, преведувачки работилници, дискусии, предавања, промоција на изданија на значајни светски и домашни автори.
Фестивалот почна со преведувачката работилница „Најдено во преводот“, дискусија и поетско читање на македонски и британски поети и преведувачи, меѓу кои и Питер Мекеј, Тања Хершман, Катица Ќулавкова, Митко Гогов и Никола Ѓелинчески.
Проектот е поддржан од програмата на Британскиот совет за финансирање меѓународни проекти од полето на книжевноста.
