Поради почетокот на учебната година и очекуваната поголема фреквенција на патници, од утре во сообраќај ќе бидат вклучени зголемен број автобуси.
Како што информираат од ЈСП, автобусите ќе сообраќаат по делничен возен ред, односно јавниот превоз ќе го опслужуваат зголемен број возила во споредба со изминатите неколку месеци. Возниот ред е достапен на веб-страницата www.jsp.com.mk.
Од утре повторно ќе важат бесплатните годишни средношколски билети за користење на јавниот превоз. Билетите ќе бидат активирани системски, односно учениците немаат потреба од посета на продажните места на ЈСП „Скопје“. 
Учениците од прва година средно образование ќе добијат на користење привремени (хартиени) билети за бесплатно користење на превозот, кои ќе им бидат дистрибуирани преку училиштата.
И натаму привремено е укината одлуката за бесплатен превоз за возрасни лица (жени со 62 години, мажи со 64 години) во вторник, петок, сабота и во недела.
ЈСП „Скопје“ апелира до сите корисници на јавниот превоз да ја почитуваат одлуката за користење заштитна маска при користење на превозот.
