Вчера во 11.35 часот во СВР Скопје било пријавено дека на сервисната улица која ја поврзува ул.„11 Март“ со паркинг просторот кој води кон угостителски објект се случила сообраќајна незгода, информираат од Министерството за внатрешни работи.
Станува збор за патничко возило „шевролет каптива“, со скопски регистарски ознаки, кое удрило во велосипед, управуван К.Ј. од Скопје, по што го напуштило местото.
Во сообраќајната незгода 59-годишниот велосипедист се здобил со тешки телесни повреди, констатирани во Комплексот клиники „Мајка Тереза“.
Се преземаат мерки за расчистување на случајот.
