Учебникот по географија за втора година гимназиско образование, за кој имаше забелешки дека содржи навредливи квалификации за албанската заедница во земјава е повлечен. Министерката за образование Мила Царовска денеска го потпишала решението на Комисијата со кое спорниот учебник се повлекува од настава.
Учебникот е одобрен по наставна програма од 2002 година.
Комисијата констатирала дека учебникот е преоптоварен со статистички и други податоци и факти кои не одговараат, согласно со дидактичко-методскиот пристап, за возраста на децата. Исто така, како што се наведува, во неколку наставни содржини во учебникот се нарушени начелата на неповредливост на културата, историјата и другите вредности на граѓаните што е спротивно на Законот за учебници за основно и средно образование. 
-Сите деца имаат право да учат од квалитетни учебници и наставни содржини. Во него имаше и спорни содржини, навредливи за Албанците. Повлекувањето на учебникот по географија е само првиот чекор во коригирањето на содржините од кои се образуваат учениците, изјави заменик- министерот за образование Арафат Шабани.
Тој најави дека ќе се отстранат сите учебници кои содржат неточни и невистинити содржини во соработка со сите професори, наставници и стручни лица од образованието и науката
