Македонско еколошко друштво (МЕД) соопшти дека конечно обележале со околувратник млад мажјак од загрозениот балкански рис, кој е првиот рис што ќе се следи навор ов Маврово и околината како подрачје за кое досега имаше потврда дека се размножува.
Еколозите велат дека подолго време имале податоци дека има ваков вид во Јасен, но досега немале среќа да му постават ГПС околувратник. Во соработка со вработените од Јавното претпријатие за стопанисување со повеќенаменското подрачје „Јасен“ на крајот на февруари конечно го обележале младиот мажјак од загрозениот вид.
Тие очекуваат да добијат интересни информации за неговото хранење и движење во Јасен. 
Активностите за воспоставување на мониторинг на рисот во „Јасен“ се спроведуваат во рамки на проектот „Подобрување на управувањето со заштитените подрачја“ во соработка со тимот на заштитеното подрачје, финансиски поддржан од Европската Унија, а спроведен од УНДП со поддршка на МЖСПП.
